Who am I

與獨樂樂blog和恭介兄來個一題兩寫, 題目：應否改變自己投情人所好。

當然應該啦，

先講投求所好。

情人最喜歡食日本菜，

你總不能次次麥記茶餐廳牛雜粉；

情人鐘意睇文藝戲，

你下下去睇康州驅魔實錄，

ｘｘ戰士／戰紀等於廁所點燈；

情人好憎人講粗口，

你講”屌你老母化閪等咁撚耐重未有位”就返屋企等消息。

投其所好極致化係必殺技，

情人鐘意睇乜書，

為左”節能”，

你就隨機地睇嗰本書既1/10，

再加同作者另一著作既1/10,　

再同情人討論書經時 (要不經意地 ”咿？

你都睇過《ｘｘｘｘ》呀？")，

佢除左覺得同你溝通到，

重會覺得你學識淵博。

同道理，

問下情人最鐘意那套戲，

然後將導演的其他出名作品租碟睇一次，

再上網找影評，

咁傾起戲經上黎 (要不經意地 ”咿？

你都睇過《ｘｘｘｘ》呀？")就頭頭是道，

情人就會又lum又覺得好夾。

你為情人作出犠牲和改變，

情人是感覺到的。

情人會好感激時，

甚至願意以身相許(女)／配多條屋企鎖匙比你(男)。