大吉日本放題

與基朋友去中環大吉日本餐廳放題, 雖然係星期一晚2045, 但都好多人。啲位比較迫, 唔係太好坐。

炸薯餅, 炸雞肉, 炸雞軟骨沒什麼特別。

蝦Tempura, 雞軟骨餃子都沒啥特別, 但蠔Tempura夠新鮮, 雖不算得上很鮮甜, 但都挺好吃。

炸雞扒： 我沒吃。

冷面我都沒吃, 每逢吃放題的一天, 我都會留肚, 乜都唔會食, 最多只會飲水。咁先可以有充足的興奮心情同空胃迎接挑戰。而且放題進行時, 我點都唔會食碳水化合物主菜: xx魚生飯, 壽司的飯, 烏冬..

串燒蝦： 我沒吃。

和牛壽司: 沒有濃厚的牛味, 唉。

劍魚：新鮮清新，好味。

唔記得左係乜, 但腥。

三文魚：唔新鮮，唔肥美，俾啲次等貨色我。

和牛串燒：普通貨色，不值一提。

雞翼：我沒吃。

油甘魚手卷：我係為左食油甘魚先叫，只有叫手卷才可以食到，幾好味，但切得碎碎的，唔盡興。

羊架：肉質唔靚，帶點韌的，燒得過了火。

蝦＋雞翼：我都沒吃。

玉子：正常。

劍魚：當時我無講劍魚好食，唔知係咪佢地都食到呢？

鮑魚壽司：我沒吃。

三文魚：可見幾咁瘦，頂你丫大吉。

鮑魚近照。

墨魚丸子：街邊貨仔。

蕃茄鍋：湯底好好味。蕃茄加菇，豆腐，紹菜煮出黎的一個鍋，有個Refresh的作用，令我再食多啲。

吞拿魚：好叫落過幾次Order先肯黎一次，我無份食。

瀨尿蝦：乾爭爭的，難食。

燒魷魚鬚：好吃，燒得夠香。

雞旦豬扒鍋：呢個時候其實得我一個係度食，其他４人謝晒皮，太咸喇個汁，豬扒啲生粉水皮又淋晒。

海鮮粥：我沒吃。

埋單每人$186,　好貴啊，Openrice 啲comment又話2045入場會係$138。係咪又做梅媒架屌。食物水準唔高, 上菜速度又慢, 試過一式甩單。唔會再黎喇。