致富證券廣告

廣告文案:

您無眼花，只因我地同您一樣，咁著緊您投資既每一分錢，

令您安心把握每個獲利機會。

致富證券，致富第一步。

我只有一種感覺:

神又係你，鬼又係你。

一人分析兩角，左手賣貨，右手買貨。

信親就死。

洗香港人錢，迫人同佢分享抱孫喜悅

網友話我這陣子常留意傳媒，很諷刺，做傳媒葉時上班不會見到人人都拎著報紙，因為免費報紙只在朝早派發。

今日我見到蘋果仍然以李兆基仔為頭版，唉，又係錢作怪。

香港人的錢，血汗，時間就是被這班仆街地產商啜盡，然後這班富豪，二世祖，三世祖就豪洗錢買遊艇、跑車、包名模、賭錢，同一時間繼續傷天害理，陰乾香港人，我都忍唔住要講一個Gag「有爺生無乸教」，我覺得好夾這個案件。

－－－－－－－－

有好消息宣佈，約定你已經可以用Facebook戶口Login，省卻登記的時間。登入後可以參加一對一特製配對同投稿愛情文章，獲貼堂的作品可以半價參加任何一個活動。有興趣可以瀏覽http://www.speed-dating-you.com

傳媒業被四叔收買

今日見到頭條日報和蘋果日報都用四叔抱三男孫做頭版，

唔知還有多少份報紙以四叔做頭，

仆你個街，

班地產商生仔生女關我柒事嚒，

傳媒公司一定收左好多傳宣費。

從都市日報見證港人膚淺

地鐵每朝早都有都市日報派，政府是地鐵的大股東，政府和商家一家親，它們要迷惑人心真的很容易。

看見香港人日日搶住去拿都市日報，唔失望就有鬼。

Freshness Burger味精包

今天吃了Freshness Burger，味精超多，舌頭久久不能擺脫味精，整天都存在擾人的精味。

Freshness Burger一個包已經$25，竟然還要提供這樣的質素。

黑面

我發現自己係黑面人，人人都不會主動同我講野，

我都覺得自己好多壓力，而且我還未懂得與壓力相處或將壓力視為挑戰。

希望可以快點學懂這個學問，不再給人黑面的印象。

鮎魚變鯨魚

我一直都以為這間餐廳叫做

「尊尾牛扒」(Johnny Steak)

直至上星期去吃過才知道，它叫「第尾牛扒」。

面包出爐

今日在有人將面包放入微波爐叮熱，但錯看了「十分鐘」為「秒」，結果10秒變成100分鐘，但未叮到100分鐘，面包就已經叮到著火，結果全日都存在強烈「羅」味。

李氏力場抗八號

我認為李氏力場足以抵抗超級颱風「鯨魚」，我買星期五無八號風球，或者下午五點才出。

大家有無發現，香港好耐都沒有星期一至五的八號風？

李氏力場萬歲

少少近況

Table For Six有些地方可以做得更好，尤其是地方選擇。

不要怕辛苦。

要為更多人製造機會。

親愛的虎兒送了皮鞋給我，真好～有鞋著

免費報紙

日日都有幾十萬人睇免費報紙，它的主要收入來源是廣告，廣告的投資者多為大商家，所以報紙的內容往往偏坦大商家班仆街。

如今天我見到am730頭版寫住「八達通被判無罰　承諾改過」

你老味

Exhausted

琴晚諗住早點瞓，點知愈想早瞓，愈瞓唔著。

結果，五六點才瞓得著，七點半起身，今日好好眼瞓。

繼續尋覓更好選擇，很攰。

回家，更新網頁，眼累。

－－－－－－－

特別嗚謝

多謝梁癲癲的鼓勵，希望他也能捱過難關。

亦很感謝鹿米館IT方面的出手相助。

明天新一天

不做舊的全職工作了。

童眼

我好想睇「童眼」，並不是因為片名似「童顏」，而是彭氏兄弟必屬佳品。

可借，只有3D版本在上畫，那我不用看了，都好，省回幾十蚊。

再見傳媒

我喜歡的體育業，有趣的傳媒業，再見了。

捨不得，但為了前途著想，也為了Speed Dating小事業著想，我無奈要告別編輯一職。

今日就是我的 Last Day，我的最後一版也走了。

再會了體育編輯。

「我捨不得你，無奈我要創造美來。」

Face Magazine出左喇！！／浪子Crossover媽媽's Coupon

Face Magazine封面故事已出了！！！！

因為員工守則關係，我沒有出鏡。

大家別噓我，場地是我和媽媽悉心佈置的。:)

－－－－－－－－－－－－－－

見者有份，益Blog友。

90後朗誦比賽

雖然佢係照稿讀，用書面語好唔自然，不過佢既表達能力唔錯，好有幽默感，好正。片頭的眼神更令人為之一振。

值得推介比大家。

襟兄弟

mk王者搭上人妻sa，三人都係無線friend底，特別容易玩雜交。

對待工作

在公司，我唔開心時，我便會話比自己知：「挑，人地對你好係你好彩，對你唔好係應份，同你有親呀？重有啊，你而家有錢賺架嘛，咁即係應份受氣，唔開心係應份既。」

另一邊箱，當我搵人參加Speed Dating時，比人拒絕時就會諗；「賺人錢係難架喇，世間財難求，受下氣，學下野啦，頂住啦！」

Speed Dating前必須知道的5件事

1)外觀
你不用過份裝扮，這只會使你變得不自然，影響你的發揮，使你做不回自己。但過份輕鬆的裝扮也最好不要，參加者可能覺得你不尊重，影響你的印象分。

2)預備問題
每一輪配對中，一方只佔說話內容的三至四分鐘，其實轉眼便過，但我們必須預備一些自己極感興趣的問題，一來容易打破沉默，二來你也可以在從問題中挑選心儀的對象。

3)自信
自信讓人覺得舒服，使人願意聆聽你的說話和與你分享心事。就算你沒有自信，但只要你想一想，我願意踏出第一步，尋找生命中缺少的一角，就已經值得你充滿自信。

4)盡情享受
不用緊張，放鬆心情，享受一個浪漫溫馨的晚上。輕鬆愉快的你自然會流露出魅力。

5)笑
出門口前可以對著鏡子笑，感受一下自己的笑面其實很容易令人愉悅。

困身

原來工作困身，可以讓人這麼不便，生活和興趣嚴重受影響。
未試過都不知道，初初試會覺得工作範疇興趣之大可掩蓋缺點，現在澄明了。

－－－－－－－－－－

今朝要弄Speed Dating廣告，未返工已經攰過平時工作。

－－－－－－－－－－

麥芽糖餅原來有新設計，每塊餅都預先暗切兩半，設計好方便。

－－－－－－－－－－

公司入面，坐我對面是另一部門的男人，那人很Hea，經常和一個大陸女人傾電話，教她怎樣避開老公，教她怎樣來香港，又話買Cream給她，經常叮囑她早點睡，太夜回家要小心，如「你咁夜都唔走，我好擔心你架，知唔知呀？」

但這個男人又會向大陸女人提自己老婆，如「今日老婆叫我帶埋把遮」。

究竟是什麼回事呢？

California好招

California好野喎，對話如下：

Cali：喂，黃生～

我：係

Cali：California打黎，你之前漏左張會員証喺我地度喎

我：係？

Cali：係啊，因為你有朋友Join左，所以會有張試玩証出左比你

我：哦～唔駛架喇，唔該你

Cali：唔該晒

德乙女球證被球員渣胸

好正，其實個球員唔係有心。



星島日報有個位叫「網絡日報」，有時報呢啲野都幾搞笑。

稱呼

港女

台妹

架妹

佳麗

坡妹

.......

點解無「港妹」這叫法。是否香港女性給人的感覺都比較硬淨？

怪乎。

秋高氣爽

要下個星期才出書，請大家稍等。

－－－－－－

這樣的天氣舒服啊，真好。好爽，屋企可以著拖鞋玩「sur sur」。
在街被清風吹時，覺得自己好浪人。

－－－－－－

在巴上士好好瞓，震下震下好舒服。

－－－－－－

努力努力，好多野要幹！

比賽

琴晚我用uusee，見到個廣告。

估唔到呢味野都有比賽，重要寫得咁出。大陸有呢樣可愛。

Speed-Dating-You電台節目出街了

公司接受電台採訪的節目有得聽喇，第一部份在此，第二部份在此。

OurRadio七十二行之外官方網頁按此。

節目裡面，我為了方便，我自稱為阿Man，來想我想稱自己為浪子M，但又太兒戲，叫架仔又太小學雞。Manfred太難讀。

有朋友話我好多懶音，我覺得自己有時講得太快，但又有人讚好，不如大家都比下意見，等我下次再做好ｄ。

玄機

今日聽番自己個訪問，嗯，原來自己把聲唔係太乞自己憎。

不過當時應該戴Ear Phone，事關自己有時講野太快、聲綫太沉而不自覺。

－－－－－－－－－

傳媒業的確很其魅力，自由度高，型，有滿足感。

不過針無兩頭利。

－－－－－－－－－

人的慾望無窮，咁你貪心時，你就會感到痛苦。

－－－－－－－

這一篇好玄，因為我唔可以講得太明。遲下有機會我會補充。