我的16

1) 鐘意貓狗, 唔鐘意細路.

2) 最好有個推plan出黎, 5000個sms quota到唔同台(對方唔同台sms我都唔駛收大家錢)

3) 搵緊野做, 都幾少post. 冇野做就會睇電視, 打機, 上網, 睇戲.

4) 卡通鐘意我們這一家, spongebob squarepant, the simpsons, 叮噹.

5) 鐘意食''林''的飯

6) 同小學同學完全無晒聯絡, 即係得個facebook囉, 但一定唔會見面, 超過半班人都係去外國讀U, 痴線.

7) 食野好叻, 煮野都好叻. 我諗facebook入面百幾個人都冇一個煮野叻過我.

8) 比奸人所害, 搞到冇左第一份工, 令我知道女人係最奸的.

9) 電台有聽: 光明頂, 短期租約, 性急人在線, 香港故事.

10) 鐘意電影, 香港有好多充滿誠意既片, 但大多數港人都唔識欣賞好戲, 一味以為外國大特技戲就係好戲.

11) 有小聰明, 但睇高登後就覺得好多人都有小聰明.

12) 鐘意聽歌, 香港有好多好歌, 但大多數港人都唔識欣賞, 香港歌詞係全世界寫得最好, 最有心, 有修辭技巧, 同時係最難填.

13) 鐘意做運動, 但而家無得做運動, 慘.

14) 我想講, 香港係全球暖化現象最嚴重, 明顯既地方; 政府重唔關注下, 打大老虎地產商, 汽油公司, 廣東d 工廠啦.

15) 唔鐘意買野, 唔係潮人, 鐘意超輕便. 係毒男真心膠.

16) 人係應該感恩的, 要知足, 基本生活唔係必然.